وأنا في أواخر الثلاثينات، حسيت إن جسمي بيتغير، وإني محتاجة أعمل حاجة، بس مش عارفة هي ايه بالضبط.

 

كل حياتي كانت ما بين الشغل، وكلابي في البيت، والقعدة علي الكنبة لحد ما فهمت إن أخيًرا لازم أتحرك وأعمل حاجة لصحتي. 

 

بس بصراحة، ما كنتش فاهمة يعني إيه أتحرك!

 

في البداية، كل اللي قدرت أعمله هو إني أفتح فيديوهات رياضية عشوائية علي اليوتيوب، وأقلدها. لكن كنت دايًما حاسة إني تايهة ومش فاهمة حاجة.
 

بعد ما ذاكرت وعملت شهادة معتمدة من ال ISSA، وبعد ٤ سنين تمرين، فهمت كويس يعني إيه تبدئي من الصفر، و قد ايه اول طلعة مهمة مش بس من ناحية انك تتعلمي العلم أو الرياضة صح بس كمان مهمة انها تتعمل بطريقة تشجعك تستمري مش تحبطي 

​

عشان كدا ركزت اني اعمل برامج جاهزة للي في اول مشوارهم الرياضي و افهمك راسك من رجلك عشان ماتوهيش زي ماحصلي في الاول